NINART ACADEMY
Hey schöin bisch du da, ich bi d Nina
Im 2009 han ich d’Usbildig als Fotofachfrau erfolgriich abgschlossä und mich Ändi 2013 sälbständig gmacht. Scho sid über 18 Jahr gib ich mis Wüsse wiiter und ha scho mehrere 100 Lüüt de Wäg id Fotografie erliächteret.
Bereits zahlrichi Lüüt hend sich mit dem Wüsse au es Standbei ufbuut oder sich sälbständig gmacht. Es macht miär ä riesä Freuid, dass au so viel anderi Fotografie Beigeischteräti das Wüsse chönd isetzä und Momänt für immer festhaltä. Jetzt bütich ganz nüü ä komplettä Lehrgang ah wo alli mini Agebot zämäfasst und du begleitet bisch vom miär während 10 Monät dis Fotografie Business erfolgriich ufzbuuä.
Stell diä vor, du begleitisch ächti Hochziitä und wirsch defür zahlt, Momänt für d Ewigkeit festzhaltä.
Ich ha so viel glernt
«Danke der vill moll för dini Ziit wo du der för mii gnoo hesch! ii ha uu vill tööre lerne ond du hesch mer jedesmoll mit dinere herzliche ond offne Art sovill energie ond Motivation mitgee.
Die knapp 2 stond, ane ond wider hääweg, hönd sich mee als glohnt!»
Marlen Frick
STELL DIÄR VOR...
-
Du begleitisch dini ersti Hochziit
-
Mänschä vertruuid diär ihrä wichtigst Momönt ah
-
Du verdiensch dis eigänä Gäld mit dinärä Passion
-
Du bisch nid „nur interessiert“, sondern Fotografin
und genau der Wäg hend bereits vieli vor diär mit miär gmacht!
Für wen ist das?
-
Anfänger/Innen mit Kamera
-
Personä, wo sich ä
Selbstständigkeit ufbuuä wend -
Kreativi, wo Hochziitä liebid
ä Iblick was cha drus enstah wenn du dä Wäg gasch
Wenn du bereit bisch di Traum ernscht z näh, cha der Lehrgang de Start i dis eigene Business sii-
scho über 50 Personä hanich debii chönnä begleitä vom erschtä Interässi bis zu ihrere erschtä Hochziit
GLÜCKLICHI CHUNDÄSTIMMÄ
Marlens Herzwerch
"Ich bi dankbar dasi di gfonde ha und dasi so viel vo dir ha dörfe lernä und dassi da Glück gha ha diär dörfe über de Wäg laufe. Das isch würklich für mi, für mi bisch du Wörkli richtig dä Schlüssel we du nä im Logo hesch. Än Schlüssel für alles änart. Am Afang hesch gseid dass sig kei Fotikurs sondern ä Läbesschuel und da hani dänkt...was? Etzt dänki so ja du hesch scho denzmal so rächt gha. Für das bi der wörkli gspunnä dankbar ." Danke vielmal für alles
Marlens Herzwerch
https://www.marlensherzwerch.ch/
WISH IT
DREAM IT
DO IT
Viel sägid ich däg fötälä, in Würklichkeit mach ich viel meh als das. Ich duä nid fötälä sondern liäbs ganz bewusst Momänt z fotografiere. Momänt mit mim Blickwinkel, vonärä ganz einmaligä Perspektive und Möglichkeit z wiedergäh, so wes nu niämert erläbt hed. D' Momänt, Mänschä und Objekt inärä nüüä Art z wiederspieglä.
Genau das chasch au DU.
Ich liäbs Ideeä z sprudlä z lah. Nüüs i Fluss z bringä und mit Bilder au öbis i dä Mänschä uslösä. Gad nachemä Shooting oder Hochziit erläb ich dä Tag numal ernüüt und liäbs all diä Emotionä wieder chönnä z durläbä.
Bilder oder au Film sind hüt nümmä wägzdänkä. Egal öb Bilder für diä eignigä Feriä und Familiäalbum. D' Diänschtleischtigä oder au Produktbilder oder sogar es Shooting vo dinä Fründinnä. Bilder wo sälber e Ussag erzügid und öbis verzellid ohni dass es ä riesä Text dezuä brucht.
Chum mit uf d Reis vodä Fotografie, dis Aug z schuälä und nüüi Blickwinkel für dis Läbä mitznäh.
BALD STARTÄT MIÄR
JEDEM SI WÄG ISCH UNTERSCHIEDLICH FIND S RICHTIGÄ AGEBOT FÜR DICH:
ISCH DIÄ USBILDIG S RICHTIGÄ FÜR MICH?
Hesch du au scho Bilder mit em Handy oder dinerä Kamera gmacht und s Ergäbnis isch eifach nid so usä cho wes du diär gwünscht hesch oders du erläbt hesch?
Du hesch scho nüi Kamera kauft und realisiärt dass es eilei mit em Grät nid gmacht isch. Viellicht hesch du sogar scho ä Kurs gmacht und realisiert dass au das für dich nid optimal isch und du hesch bis etz nunig das gfunde wodich so würklich begeisteret?
Nüü bütich de Lehrgang zur professionelle Hochziitsfotografie ah. I mehrärä Modul und Kürs verzell ich diär all mis Know How rund um dä Iistig id Fotografie, Bildverarbeitig, Hochziitsfotografie, Blitzfotografie und alles rund um de Start id Sälbständigkeit. Mis Agebot ä Teil vom Lehrgang online i dim Tempo zmache und jedi Lektion so viel mal z repetiere oder z lose wedu wetsch isch womöglich genau s richtigä Instrumänt für dich. D Fotografie besser kännä zlernä und Bilder eimalig und nach dinä Vorstelligä für immer festzhaltä und izfangä und das au i Zuäkunft dinä Chunde z ermöglichä.
Wenn du meh über d Fotografie und de Wäg zur Hochziitsfotografie wetsch kännä lernä, freuid hesch am Sälbschtstudium i dim Tempo denn buäch jetzt de Lehrgang wo diär all das Wüsse zur Verfüägig stellt und zu dinä perfekt igfangnä Momänt füährt.
Sind meine Resultate garantiert?
Kann ich die Fotografie auch beruflich ausüben nach dem Kurs?
Wie viele male kann ich die Lektionen abrufen?
Ich liebe diesen Lehrgang und möchte mehr! Was gibt es sonst noch im Anschluss?
Ich bin mir nicht sicher ob dieser Lehrgang das richtige für mich ist?
START JETZT DINI REIS
Du hesch ä Traum vom eigänä Busniess? Hesch d Fotografie für dich entdeckt oder wetsch au das nu lernä? Scho zahlriichi Mänschä us dä ganzä Schwiiz hanich chönnä erfolgriich id Sälbständigkeit begleitä. Vo dinere Persönlichkeitsentwicklig über Zielsetzig, Visionä, Agebot und Priisgstaltig, Logo, Uftritt, Wärbig Websiite und Social Media. I all denä Gebiät hanich idä letschtä Jahr sehr viel i mich und mis Wüsse investiert. Wenn du genau vo dem Wüsse wetsch profitiärä und d Abchürzig willsch, denn buäch es persönlichs Gspräch mit miär und miär luägid zämä öb de Lehrgang zur professionelle Hochziitsfotografin für dich s richtigä isch.
Ich freue mich uf dis Feedback und dini Rückmäldig!